Амбасадар Францыі наведаў кампанію "Аўтапрамсервіс", якая з’яўляецца дылерам аўтамабіляў Renault, Lada, Mitsubishi і Nissan у Беларусі.
Прадпрыемства, якое няспынна расце, існуе ў Беларусі ўжо больш за 25 гадоў і прапануе сваім кліентам шырокі спектр паслуг і аўтамабіляў, імпартаваных непасрэдна з Францыі, а таксама з Расіі.
Амбасадар абмеркаваў з заснавальнікам кампаніі Баляславам Вараненкам і кіраўніцай Вольгай Мяльковай планы па развіццю "Аўтапрамсервісу" ў Мінску і ў іншых рэгіёнах Беларусі,што паспрыяе распаўсюджанню ўсіх брэндаў альянсу Renault-Nissan на беларускім аўтамабільным рынку.
- Амбасадар Францыі Нікаля дэ Лакост, упаўнаважаная па эканамічных пытаннях амбасады Яна Пучкоўская, кіраўніца кампаніі "Аўтапрамсервіс" Вольга Мялькова, заснавальнік "Аўтапрамсервіс" Баляслаў Вараненак
